Bartas de l'Ardanavy / Ardanabiako bartak

Urketako Herriko Etxeko aparkalekuaren zolan, jauts ezazu hilerriaren eta tenis jokalekuaren arteko karrika. Beherean, iragan zaitez kirol-zelaiaren, errebotearen eta futbol-zelaiaren eskuinetik. Zelaitik atera kontrako izkinatik, eta errepidera helduko zara: segi ezazu eskuinetik 80 m-tan eta itzul ezker, Iholdi karrikan. Auzoa zeharka ezazu eta Linagua zalditegiaren parean, har ezazu ezkerreko bidexka belartsua. Bazkaleku heze baten bazterreko diketik iragaten da, eta Altzuetako errekaren arroilaren bazterretik.

Ardanabiko errekaren bazterreko bide on batera helduko zara; segi ezazu ezkerretik 1,2 km-tan (osagarri ibilbideko tresnak). Ibil zaitez oinezko zubixkaraino, trenbide-zubia aitzin, eta beste aldera pasa zaitez. Beste aldean, segi zirga-bidean eskuin errekan gora igateko. 2. km-aren mugarri ondoan, ez kasu egin ezkerreko xendrari eta segi ezazu zuzen zirga-bidean 3. km-ren mugarria iragan arte, eta errepidera helduko zara.

Hartu eskuineko errepide-zubia eta kasu eginez ibil zaitez D257 errepidean 80 m-tan. Aparkalekuetara heltzean, zeharka ezazu errepidea eta ezker beste xendra bat abiatzen da (ezagutza-xendra), Lehuntzera buruz (GR8 seinalea). Piknikatzeko mahaiak iragan eta ez kasu egin zurezko zubixkari; segi bidexka errekaren eskuineko aldetik, maiz argibide-taulak atzemanen dituzu izadiari buruz. Urrunago etxe baten eta Tourterelle zubixkaren artean iraganen zara (GR8 ibilbidea) eta segi zuzen bidean. T formako bidegurutzean segi eskuineko bidexkatik, 100 m urrunago ezkerrera itzultzen da, eta Urketako etxeei buruz itzultzen. Eskuin den azken igoerak Herriko Etxera eramanen zaitu.