Gainekoborda lepotik Gorospil lepora

Gainekoborda lepoko bost bideetatik (6,7 km), parean den erdiko bidea hautatu (lurrezkoa eta laua). Aterpe irekia oihanean, ezker. Bidea beste lepo batera heltzen da (7,1 km), eta igoaldi garbi eta zorrotza hasten du. Zuharreta lepoan (8,2 km), bideak utzi eskuin igotzeko, hilarri baten gainean, iratze arteko bide batetik (bizikleta eskuz eraman behar). Bidexka, urratsez urrats, tontor-lerro batera hurbiltzen da. Lehen konkorraren ondotik, Bizkailuzeko gain belartsuan ibil daiteke, arrunt hegoalderantz, Larrun eta Artzamendi ditugularik talaia gisa. Hiru gainaldeetatik iragan eta lepo baterantz jaitsi, 76. mugarria gurutzatuz.