Ihilepotik Lantzetaerrekako bidegurutzera

Ihilepoan (421 m), bestaldeko isurialdera joan eta gorriz eta zuriz (GR10) seinalatutako bidexka segitu (doi bat ezker). Xoldokogainako aintziraren gainetik erregulartasunean jaisten da eta Pitare lepora heltzen da (316 m). GR seinaleari kasurik ez egin eta arrunt ezkerraldera joan, oihaneko zokoan, segidan bi adarretan bereizten den bidean: ezkerraldean, oihanean sartzen dena hautatu. Bidea oihan barnean jaisten da bi bihurgune handitan, eta erreka baten bazterretik doa. Lurrezko bidera iritsi eta (221 m), erreka zeharkatu eta eskuineko bidea segitu.