A Illa da Toxa coñecíase antigamente como Illa de Louxo, de onde toma o seu nome o hotel. Trátase dun centro termal, de ocio e turismo, que xa no século XIX se converteu nun cobizado destino, unha paraxe de gran luxo e esplendor e lugar de veraneo de personaxes ilustres. Este lugar, declarado Centro de Interese Turístico Nacional en 1966, segue conservando actualmente esa maxia, mantendo o encanto que o fixo famoso, grazas á súa beleza natural e á tranquilidade da súa contorna, que invita a relaxarse e a gozar da súa variada oferta de ocio. O Hotel Louxo foi o primeiro centro de talasoterapia que se creou en Galicia e, desde entón, coñécese como Hotel Talaso Louxo La Toja.
☏ +34 986 730 200
✉ reservas@louxolatoja.com