Por medio do seu colorido e do traballado detalle, Curiot móstranos un imaxinario propio das culturas antigas que adoraban a deuses asociados a fenómenos naturais ou á divindade que representan. As súas personaxes transpórtanos a mundos bucólicos, onde sempre está presente a problemática entre a natureza e o ser humano.
Neste mural que pintou no 2017 represéntase unha particular escena na que intuímos unha chamánica consulta médica na que intentar arranxar doenzas propias deste mundo de estrés e xeolocalizacións. Quizais a solución máis doada aos nosos problemas do hoxe en día estea na volta á sabedoría dos nosos antergos.
Curiot é un dos artistas máis relevantes na escena da arte urbana actual no seu país de orixe, México. Ver web do artista...