Sentier de l'Abbaye / Abadiako bidexka
Description
Lehuntzeko herria balkoi bat da Aturriko ibar emankorraren gainera. Hemen dute eraiki abadia bat 1164an Premontretar Ordenako fraideek, ibaibideen eta beste merkataritza-bideen gurutzaketan. Aldizka, ebanjelizazioaren gotorleku izan da, laborantza-eraikin, ospitale militar eta azkenik parrokiako eliza. Eraikin erromanikoa osoa gelditu da mendeetan zehar, eta berriki zaharberritua izan da. Abadia da ibilaldi horretako ikusgarri nagusia, baina hurbileko ingurunea ere ohoretan da. Xendra isiletan barna, meditaziorako arras egokiak, ibilbidea iragaten da landaretza joria duen ibarxka oihantsu batetik, oihan aberats batetik non goroldioa eta iratzea nagusi baitira, eta gero herriko gainetan pasatzen da, arkitektura tradizionaleko etxeen artetik.
Technical Information
Altimetric profile
Starting point
Steps
Abadiatik ibarxka oihantsura
Lehuntzeko Louis Laffargue plazatik (Herriko Etxearen eta elizaren beherean), jautsi 50 m errepide nagusiaren bazterretik eta hartu lehen karrika eskuin. Abadiaren gibeletik igaten da; zelaigune belartsuan, bereizketa-zikinontziak aitzin, jautsi eskuineko xendratik (seinale gorri eta zuriak - GR8). Bidexka oihanera sartzen da (kasu, zola lerrakorra da aroa hezea delarik) eta bidegurutze batera heltzen.
Ibarxka oihantsutik D257 errepidera
Ibarxka oihantsuaren bidegurutzean, joan pareko bidexka seinalatutik, zur-sareak badira lurrean, hezegunearen iragateko. Ateratzean, zuhaitz goroldiodun luzeen azpitik pasako zara; bidexka kasko borobildu oihantsu batetik iragaten da eta luzaz igaten haritzondo eta erratz artetik. Gorago hondakin baten ondotik pasatzen da eta etxe batzuen artetik, eta errepidera heltzen.
Lehuntzera itzultzea ikuspuntuaz gozatzeko
Metalezko xeilaren ondotik (hets ezazu pasa ondoan), kasu eginez ibil zaitez D257 errepidean, 300 m-tan. Kurutz bidexkaren heinean (ezkerrean), itzul eskuin oinezkoen bidetik (autoei debekatua), eta Printania karrika iganen duzu. Puntan, abadiako karrikara helduko zara, haren eskuinean ibil zaitez. Oinezko pasabidean bukatuko duzu ibilbidea, antolatua den bistalekutik pasatuz; azkenik, abadiara eta Herriko Etxera buruz jautsiko zara.
Points of interest
Premontretarren abadia
Abiatu bezain laster edo ibilalditik itzultzean, arretaz so egiozu Lehuntzeko abadiari, 1164an eraiki zen eliza erromanikoaren eraikin guziei, eta zaharberrituak izan direnak. Ohar zaitez eguzki-orratzaz, hormarteez, harrizko artekez eta ere hilarriez (udan bisita gidatuak badira).
Landaretzaren joritasuna
Ibarxka horretako oihana hezea da eta argitsua, isilpekoa eta joria. Landare geruza bat baino gehiago kausi daiteke, landare-espezieen argi beharren arabera. Ikus ezazu nola iratzeak pusatzen diren haritzondoen enborrez jabetzen den goroldioan, batzuetan lurretik 20 m-ra.
Landaretzaren joritasuna
Ibarxka horretako oihana hezea da eta argitsua, isilpekoa eta joria. Landare geruza bat baino gehiago kausi daiteke, landare-espezieen argi beharren arabera. Ikus ezazu nola iratzeak pusatzen diren haritzondoen enborrez jabetzen den goroldioan, batzuetan lurretik 20 m-ra.
Additional information
Balisage
Trait jaune
Typologie de l'itinéraire
Itzulia
Thèmes
Historikoa
Natura (fauna, flora)
Erlijiozkoa
Animaux bienvenus ?
Oui
Data author
