Ibanteli

Collection : TOP 25 ET SÉRIE BLEUE

Scale : 1:25 000

13.90€

TOP75023 - PAYS BASQUE

166 DAX BAYONNE PAYS BASQUE

TOP100D64 - PYRÉNÉES-ATLANTIQUES PAU BAYONNE BIARRITZ PAYS BASQUE BÉARN

89030 - TRAVERSEE DES PYRENEES GR10®

Collection : DECOUVERTE DES CHEMINS

Scale : 1:100 000

9.10€

D64 PYRÉNÉES-ATLANTIQUES

Collection : CARTES DÉPARTEMENTALES IGN

Scale : 1:150 000

5.90€

NR11 NOUVELLE-AQUITAINE RECTO/VERSO BASSIN AQUITAIN

Collection : CARTES RÉGIONALES IGN

Scale : 1:250 000

6.80€

NR10 NOUVELLE-AQUITAINE RECTO /VERSO LIMOUSIN POITOU

Collection : CARTES RÉGIONALES IGN

Collection : DÉCOUVERTE DES PAYS DU MONDE IGN

Scale : 1:2 500 000

7.00€

Description

Erreka freskagarrien ondoan abiatuz, gaztainadi eta harizti arteko hasierako bideak Larrungo beste aldea salatuko dizu urratsez urrats, lehen eguzki izpiek irisatutako laino estalien gainetik. Ubide ttipi baten bazterretik ibili ondoren, ibilbidea agerian igotzen da, muinoetarako ikuspegia zabalduz. Hegiaren eta mugaren bazterretik, patarra gero eta zorrotzagoa izaten da, soropil zabal eta eder batean lautu aitzin. Orduan, Ibanteli gailurrera eramanen zaituzten azken aldapak igotzeko tenorea da. Gailur honek 360°-ko panorama harrigarria eskaintzen du euskal baserrialdera, ozeanora, Larrunera, Ibardin lepora, Aiako Harrira, eta ekialdean, Pirinioetara eta Atxuriara. Norabide honetan ere ikus daiteke Lizarieta mugako lepoa, atsedenaldi fresko bat edo bazkari tipikoa eta nasaia har dezazun zure zain dagoena...

Technical Information

Walking

Difficulty

Medium

Duration

3h30mn

Dist.

9.8 km

Altimetric profile

Starting point

64310 SARE

Lat : 43.278835024685Lng : -1.6019009705633

Steps

Aparkalekutik ubide ttipira

Errepidea bizkarrean duzula (110 m) eta kanpoan bazkaltzeko mahaiak eskuin, erreka ibitik zeharkatu eta eskuineko bidexka zutean igo. Laugune batera heldu eta (166 m), oihana argitzen den lekuan, ezkerrera igo eta hegi eta hesi baten artetik segitu. Bide harriztatura iritsi eta, ezker segitu bihurgune zorrotz bateraino, ubide ttipia hodi batean sartzen den tokian.

Ubide ttipitik mugako lepo zabal eta belartsura

Hodietan pasatzen den lekuan, ubide ttipia iragan (221 m) eta bidea utzi zuzen segituz, eta ondotik, segidan ezker. Handik 100 m-tara, eskuinean den bidea utzi, bide nagusian segi igotzen, laster pudinga harkaitz handi baten aitzinean pasatzen dena; bihurguneak marrazten ditu, eta lur-jausi baten ondoan lautzen da. Laster, zuzen doan igoera hasi oihan bazterretik, lepo zabal eta belartsu bateraino.

Lepo zabal eta belartsutik Lizarrieta lepora

Lepo zabaletik (600 m), Ibanteli lepora joateko, mugarri baten norabidean ezker hartu, gailurraren ardatzean. Gailurrera iritsi zailtasunik gabe (698 m) eta lepo zabalera itzuli. Orduan, ezkerrera jaitsi haritz bakarti baten norabidean; eskuinetik iragan. Urrunago, harri altxatu bat ezkerrean utzi (omenaldia). Handik 250 m-tara, ezkerretik datorren bidearen ondotik (abereendako hespila), haritz bakarti baten ezkerretik segitu eta Lizarieta lepora iritsi (ostatuak, jatetxeak).

Lizarrieta lepotik harrizko arditegira

Lizarrieta lepoan (441 m), errepidea ezkerraldera segitu 350 m-tan, lehen bihurgune zorrotzeraino (419 m). Orduan errepidea utzi, zabalean ezkerrera doan bidexka hartuz. Nahiz eta igoera ttipi batzuk izan, besteak beste aurri baten ondotik, bidexka erregulartasunean jaisten da Ibanteliko mazelan. Oihanera hurbiltzerakoan, harrizko arditegira iritsi.

Harrizko arditegitik aparkalekura

Arditegiaren eskuinetik ibili (262 m) eta bide harritsuan sartu. Arditegia iragan eta 300 m urrunago, bidea utzi eskuin jaisten den bidexka hartzeko. Beherago, eskuineko bidexka utzi, eta doi bat ezkerrera segitu. Ibilbidearen hasierako aparkalekura zailtasunik gabe heltzen den oihanbidea segituz jaisten segitu.

Points of interest

Pudinga harkaitza

Izena ingeles bixkotx famatutik dator, “pudding”, orean egositako mahats eta fruitu melatuz egina. Itxura berekoa, geologian, pudinga arroka agregatu trinko bati dagokio, non uharriak eta beste arroka detritikoak aurkitzen diren, zementu naturalean harturik, gehienetan hareharria.

Lauburua

Ibanteli gailurrean, harkaitz baten gainean lauburu bat ikus daiteke. Beste eskualde batzuetan ere aurki daitekeen ikur hori, euskal nortasunaren adierazle handi bat da. Duen erranahia ez da arras finkatua, baina biziaren, eguzkiaren, zeruaren eta lurraren zikloari erreferentzia izan daiteke.

Ibanteliko zerumuga itzulia

Ibanteliko hegoaldean, mendilerro ttipiak agertzen dira bata bestearen ondotik Nafarroako lurraldean (Ernest Hemingway liluratu zuen herriaren aldera: Iruñea). Mendebaldean, Aiako Harriaren hiru tontor makurtuak. Ipar-mendebaldean, Hendaiako badia, non Bidasoa isurtzen den; aitzinago, Ibardin mugako lepoa, bere bentekin. Iparraldean, Larrun gailurra ikusgarria da.