Haranbeltz eta Soihartze

Collection : TOP 25 ET SÉRIE BLEUE

Scale : 1:25 000

13.90€

TOP75023 - PAYS BASQUE

166 DAX BAYONNE PAYS BASQUE

TOP100D64 - PYRÉNÉES-ATLANTIQUES PAU BAYONNE BIARRITZ PAYS BASQUE BÉARN

89021 - ST-JACQUES-DE-COMPOSTELLE GR®65-2 DE MOISSAC A RONCEVAUX

Collection : DECOUVERTE DES CHEMINS

Scale : 1:100 000

9.10€

D64 PYRÉNÉES-ATLANTIQUES

Collection : CARTES DÉPARTEMENTALES IGN

Scale : 1:150 000

5.90€

NR10 NOUVELLE-AQUITAINE RECTO /VERSO LIMOUSIN POITOU

Collection : CARTES RÉGIONALES IGN

Scale : 1:250 000

6.80€

NR11 NOUVELLE-AQUITAINE RECTO/VERSO BASSIN AQUITAIN

Collection : CARTES RÉGIONALES IGN

Collection : DÉCOUVERTE DES PAYS DU MONDE IGN

Scale : 1:2 500 000

7.00€

Description

Ibilbide eder honek aukera ematen du Donejakue bidearen 5.500 km-etako zati biziki ttipi bat ezagutzeko. Donejakuera daramaten hiru bidek –Tourseko bidea, Vézelayko bidea eta Puyko bideak– kilometro batzuk lehentxeago bat egiten dute, Xibaltarreko bidegurutzean. UNESCOk 1998tik gizateriaren ondare izendatu duen bide zati horretan, Soihartzeko eta Haranbeltzeko bi kaperak bisitatzen ahal ditu ibiltariak. Lehena, Mariari eskainia, 1845ean eraiki zen, sute baten ondorioz desagertutako ermita zahar baten ordez. Bigarrena, San Nikolas kapera, Haranbeltzeko auzoan, dago. Sortze data ezezaguna zuen priore-etxe baten mende zegoen, nahiz eta idazkiek 1059an eraikia zela adierazten duten. Hiru puntako ezkila dorre bat duen eraikin eder hori behin baino gehiagotan arraberritu dute mendeetan zehar.

Technical Information

Walking

Difficulty

Medium

Dist.

14 km

Altimetric profile

Starting point

64120 ORSANCO

Lat : 43.29286Lng : -1.065296

Steps

Soihartzeko kapera

Pilota plazatik, hartu elizarantz doan errepidea. Jaitsi, bide-adarkatze batera iritsi arte. Joan eskuinera. 400 m geroago, bidegurutzean, ezkerreko errepidea hartu. Errepide honen bukaeran, hartu eskuineko bidea. Xeila ireki eta hetsi. Pentze bat zeharkatu gaineko aldetik, eta bigarren xeila pasatu. Oso agerikoa ez den bidetik segitu. Bide-adarkatze batera iritsi, eta, hor, joan ezkerrera, patar eztian gora. Bideari jarraitu, lehenik zuhaitzek estali gabeko mendi mazela batean, eta gero pentze batean, Soihartzeko kaperara iritsi arte.

Eta San Nikolas kapera

Kaperatik, joan orientazio-mahaira eta jarraitu GR65 seinaleei. Bide harritsutik jaitsi, eskuinetik heltzen den bide zabal batera iritsi arte. Segitu zuzen. Oihanaren bazterretik ibili, eta joan eskuinera, Haranbeltzeko kaperarantz. Iratzeleku bat zeharkatu, bide berri batera iritsi eta segitu jaisten. Segitu bide horretatik, Haranbeltzeko auzora iritsi arte. Jarraitu errepidetik, San Nikolas kaperara iristeko.

Ostankoako herrirantz

Errepidetik atera eta jaitsi oihanerantz. Gurutze batetik bi bide abiatzen dira; hartu ezkerrekoa. Oihanpe batean ibili, bidegurutze batera iritsi arte. Orduan, joan eskuinera. Bidearen bukaeran, bide berritik jarraitu eta joan ezkerrera. Mundrunatua den bide zati bat jaitsi eta bide bat baino gehiagoko bidegurutze batera iritsi. Hor, etxola bat dago. Ibili ezkerretik, hesiaren bazterretik. Hurrengo bidegurutzean, utzi pentzearen bazterreko bidea ezkerrean, eta joan errepidetik, eskuinera. 400 m ibili, eta bidebanatzean, joan ezkerrera. Hurrengo bidegurutzean, segitu zuzen. Errepidea jaisten da, eskuinerako itzulia egiten du, eta horren bukaeran harrizko eskultura bat dago.

Landan barna

50 m lehenago, hartu eskuinera eta bidexka ttipi batetik ibili, astigar batzuen azpitik. Bidea berehala lotzen zaio errepide bati. Orduan, joan ezkerrera. Baserri baten heinera heltzean, lau xeila daude; arras eskuinean dagoen xeila pasatu. Pentzearen behealdearen bazterretik ibili, 260 m, eta gero bidea pixka bat ezkerrerantz igotzen hasten da, baina ez da oso agerikoa. Gaztainondo eder batera iritsi. Ondotik, xeila bat pasatu, eta joan eztiki igotzen den bidetik. Bidea laua delarik, bidexken bidegurutze bat aurkitu eta segitu zuzen. Jarraitu bidetik, beste xeila batera iritsi arte.

Ostankoako oihanean

Urrunago, bide bat iristen da ezkerretik. Jarraitu bide lautik. 370 m ibili ondoan, hartu bihurgune gaiztoan ezkerrera doan bidexka. Oihanpean ibili. 700 m urrunago, utzi oso agerikoa ez den bidea eskuinean, eta joan ezkerrera. Bidexka batek bidea zeharkatzen du. Ez hartu, eta segitu zuzen igoera gogor batetik. Pagadi batera iritsi. Utzi bidexka bat eskuinean, eta joan zuzen. Pentze baten bazterretik ibili. Bidegurutzearen ondotik, 400 m urrunago, xeila bat pasatu ezkerretik, igoera baino lehen. Ibili 50 m hesi baten bazterretik, eta joan pixka bat eskuinera, ibilbidearen lehen igoerara iristeko. Joan ezkerrera, herrira itzultzeko.

Points of interest

Soihartzeko kapera

Sute bortitz batek suntsitutako ermita zaharra, Soihartzeko kapera, Mariari eskainia, 1845ean eraiki zen. Ateburuan zera irakur daiteke: ""Errauntsi gaixtoetarik, begira gaitzazu, Jauna; Otoiz egizu guretzat, Ama Birjina"".

San Nikolas kapera

San Nikolas kaperaren sortze data ezezaguna da. 1059ko idazki batean aipatzen den priore-etxe baten mende zegoen. Mendeetan zehar behin baino gehiagotan zaharberritu da eraikina. Horren lekuko dira XII. edo XIV. mendeko tinpanoak koroatutako atea eta XVII. eta XVIII. mendeetako kaperaren barneko apaindura.

Gisu lurrak

Inguruko muinoak arroka ama gisutsu batez osatuak dira. Ondorioz, flora eta fauna berezia daude hor, eta ibilbide honetan guti gorabehera aise ikus daitezke. Aipagarrienen artean, ibiltariak orkidea salbaien espezie batzuk eta antzandobi arrunta miresten ahalko ditu.