GRP® Tour du Labourd - Lapurdiko itzulia - De Sare à Pinodieta

RD 20 errepidea zeharkatu (arretaz) eta parean den (doi bat eskuin) Landako Bidea hartu 0,7 km-z, oihan baten bazterrera iritsi arte. Orduan, ezker hartu (kasik gibelera eginez) oihana luzatzen duen bidexkatik, eta 200 metro urrunago, erreka batera jaisten den eskuineko bidexka hartu, ondotik etxalde batera berriz igotzen dena (Mehatsea). Ezkerreko bidexka hartu eta tontor-lerroan doi bat segitu errepidera iritsi arte, bi bihurgune jaitsiz. Eskuin hartu eskola publikora heltzeko. (492 caractères espaces compris)

Eskola gibelean utzi eta harriztatutako bidetik ezker hartu 100 m-z. Ibia iragan, baita xeila ere, eta Etxeberri etxalderaino igo. Eskuineko errepidetik segitu, D249 errepideraino. D249 errepidea zeharkatu (iturria) eta parean duzun oihanpeko bidexka igo; tontor-lerrora iritsi eta eskuin hartu. 200 metro urrunago, ezker hartu errepide batera iristeko. Errepidearen eskuin aldetik segitu. Zure ezkerrean diren antenak gibelean utzi ondotik, eskuineko errepide ttipia hartu. Zut-zut igotzen da hastapenean, gero ordokia da (etxeetarako zenbait sarbide utzi zure ezkerraldean) Itsasuko hegazkin zelaia arte.

Zubia iragan eta 50 metro urrunago, ezker hartu bidexka batean eta 300 metro urrunago, eskuinera doan beste bidexka batean, Elondare eraikin pedagogikora daramana. Eraikina eta gero, ezker hartu eta oihanpean jaisten den bidexka segitu. Eskuin aldetik hartu behar den artzainaren bidexkara (Allée du Berger) iritsi, eta ezker hartu Larraldea bidean. Justu ondotik, eskuin hartu Arditegiaren karrikan (Rue de la Bergerie), gero Juanchuto etorbidean eta lorezainen karrikan (Rue des fleuristes). Kanboko hiri barnera iritsi.