GRP® Tour du Labourd - Lapurdiko itzulia - De Cambo-les-Bains à Bayonne

Zuzen segitu D650 errepidean Jatsuko burguraino. Herriko etxeko aparkalekuan eskuin hartu eta zeharkatu errepidera iristeko. 100 metro urrunago, eskuin hartu, eta biribilgunean ezker hartu eta berriz eskuin Prostaeneko Bidean (“Salbatore kaperarako” norabidea). Errepide ttipi horretatik segitu. Hastapenean jaisten da eta zorrotz igotzen ikuspegia zabaltzen delarik. “Sorta” deitutako tokira iritsi aitzin, Salbatore kaperako aparkalekura eramanen zaituen bidexka hartu zure ezkerrean (landa-bazkaria egiteko mahaiak, ikuspegia).

Bidexka zeharkatu beste bidexka belartsua hartzeko, xeila eta iturri batera doana. Errepidean ezker hartu (Sortako Bidea), eta hortik segitu 1,5 kilometroz. Muinoaren gainera iritsi baino lehen, ezkerreko bidexka atzeman, laster bide belartsu bilakatzen dena hesi baten luzeran. Berotegi batzuk luzatzen dituen bidexka berri batera doa, errepidera iritsi arte. Errepidean segitu, zentral elektriko baten aitzinetik iragan. 250 metro urrunago (Larregaina), ezker hartu jaisten den bide legartsu batean.

Beherago, lehen xeila bat iragan (zure gibeletik hetsi) pentze batean sartzeko. Pentzea luzatu beste xeila bateraino, eta pagadi eder batean jaitsi. Hondoan, erreka baten heinean, ibitik iragan eta errepide zut eta mundrunatu bateraino berriz igo. Errepidean ezker jaitsi (zorrotz) eta ezkerrerako bihurgune batean bertan utzi eta beste xeila batetik zeharkatu behar den pentze batean sartu (berriz igo, beste xeila izanen da bidearen puntaraino). Etxe multzo batera iritsi (Bazterretxea), zeharkatu behar dena.

Zurezko xeila baten heinean, ezkerreko bidexka hartu, abiapunturaino jaitsi bidexka belartsu eder batetik (zutabeak) eta zut segitu oihaneko bidetik, D137 errepidera iritsi arte. Zuhurki zeharkatu pareko bidexka hartzeko, pentze bat inguratzen duena. Trenbide azpitik iragan Errobi bazterretara iristeko. Ibai hegitik segitu doi bat. Ondotik bidea Errobitik urruntzen da beste trenbide batera iristeko (Milafrangako tren geltokia).

Tren geltokitik Loanarrenia bidea hartu zure ezkerrean, Portaburriako gune turistikora eta honen ostatura doana (landa-bazkaria egiteko mahaiak, edantegia, jatetxea). Errobi gaineko zubixka hartu eta bide berdera iritsi. Zubixka iragan eta, eskuin hartu Errobi luzatzeko zirga-bidean 9 kilometroz gutigorabehera (oinezkoendako eta txirrindulariendako bidea). Baionara iritsi, Errobi zeharkatu Ingeniaria zubitik eta ezker hartu Agosti Xaho kaian. Kaiak luzatu 0,5 kilometroz, eta Errobi zeharkatu Mayou zubian. Baionako herriko etxera iritsi.